'من أول ما اتجوزنا وهى اتغيرت بشكل تام، راح الهدوء والرومانسية وظهر الصوت العالى، وبقت تمشى وراء كلام أمها، مافيش أى احترام لكلامى، أمنعها من الخروج بمجرد ما أروح الشغل ألاقيها خرجت، وأنا راجل لا بحب أمد إيدي على ست أضربها ولا غيره، لكن هى مش فاهمة كده، افتكرت ده ضعف وقلة رجولة، دا غير النكد اللى لازم تصدره أول ما تشوف وشى، ومافيش حتى ابتسامة حلوة وأنا راجع من الشغل'.. نطق بهذه الكلمات عادل وهو داخل محكمة الأسرة لرفع دعوى نشوز ضد زوجته بعد عام ونصف فقط من الزواج.
عام ونصف من الزواج
روى عادل قصته لـ'أهل مصر'، قائلا إنه تزوج منذ عام ونصف من فتاة رآها أول مرة فى عرس أخيه الأكبر، وأعجب بها وسرعان ما تقدم إليها ليعيش حياة مستقرة وبناء حياة زوجية، قائلا 'أول ما شوفتها شدتنى بكل تصرفاتها وحسيت انها هتكون زوجة كويسة وتعرف تعيش معايا، لكن حصل العكس، وبمجرد ما اتجوزتها اتقلبت حياتنا، اكتشفت ان صوتها عالى جدا ومش بتسمع الكلام نهائي، وأهم حاجة والدتها وكلامها، عمرها ما عملت احترام ليا'.
رفع دعوى خلع
وتابع: 'بجد تعبت من النكد اللى عايش فيه وتصرفاتها، كان نفسي أرجع من البيت ألاقى وشها مبتسم وبتضحك لكن ارجع عل خناقة مجهزة ليها من الصبح، كمان خروجها كتير من ورايا، أنا اتعودت انى استحالة أمد إيدى على ست حتى لو مراتى، لكن هى بتستفزنى عشان أعمل كده، وهددتنى بالقايمة عشان كده ذهبت لمحكمة الأسرة لرفع دعوى نشوز ومازالت الدعوى منظورة أمام القضاء'.
تابعوا آخر أهل مصر على Google News
