مها في دعوى الخلع: "جوزى كرهني في صنف الرجالة"

'من كتر اللي شوفته منه ومن عمايله ليا وضربه ليل نهار، وخيانته وكل يوم مع واحدة ولما أواجهه يقولي أنا حر واعمل كل اللي نفسي فيه، وانتي ليكي أكل وشرب وخدمتي، دا غير خدمة أهله وتحكماتهم، لحد ما بقيت اكره صنف الرجالة، وبقيت عايزة أعيش لعيالي وبس'.. جاءت هذه الكلمات على لسان 'مها' وهي داخل محكمة الأسرة لرفع دعوى خلع من زوجها بعد 5 سنوات من الزواج مبررة استحالة العشرة معه.

وروت الزوجة قصتها لـ 'أهل مصر': أنها تزوجت منذ 5 سنوات زواج صالونات قائلة، 'مكنتش اعرفه واتجوزنا عن طريق المعارف، وكانت علاقتنا طبيعية إلى حد ما، لكن بعد الجواز انقلب حاله للأسوء، بقي يضربني ويشتمني بأبشع الألفاظ، عشان عرفت أنه بيخوني ومن هنا بدأت الخلافات في الزيادة، كل يوم علاقات وحشة فى شقق مفروشة، واللي مصبرني عليه عيالي التؤام اللي جبتهم منه، وكنت فاكرة أنه ممكن يتغير عشانهم، لكن للأسف بقى زي ما هو'.

وتابعت حديثها: 'ابتديت أحس إني بكرهه جدا وبكره أي صنف راجل، جابلي عقدة، وحالتي النفسية بقت وحشة، خوفت على عيالي أكتر وقررت أن أعيش لعيالي وطلبت الطلاق منه ولكن رفض، روحت محكمة الأسرة لرفع دعوى خلع وانتظر أولى الجلسات'.