"من أول ما اتجوزنا وهو طول الوقت اللي موجود في البيت عاوز يفرجني على أفلام إباحية، كنت بعترض الأول لكن كان بيزعل وكنت بخاف من المشاكل واحنا لسه عرسان، فبضطر أتفرج معاه وأنا مجبرة لدرجة إني بتعب من كتر ما انا قرفانة من نفسي بسبب اللى بسمعه، وشعورى بالذنب هيقتلني، وحاولت أخليه يبعد عن طريق الأفلام دي، لكن للأسف اكتشفت أنه مدمن افلام إباحية من قبل ما نتجوز، وكمان بدأ يأثر على حياتنا لدرجة إني بقيت أحس إني مخنوقة دايما وبعدت عن الصلاة" بهذه الكلمات كشفت "سمر"، عن أزمتها ومشكلتها داخل محكمة الأسرة وهي ترفع دعوى خلع من زوجها مبررة استحالة العيش معه.
وروت "سمر" قصتها لـ " أهل مصر" قائلة: "لما اتخطبنا قرر إن الجواز يكون بسرعة لأنه جاهز ومش محتاج حاجة وأنا كمان كنت جاهزة، واتحدد الفرح بعد 3 أشهر من فترة الخطوبة، وطول الفترة دي كنا مشغولين بترتيبات الفرح وخلافه، عشان كده مقربتش ليه كويس أو عرفت عنه حاجة، هو بشهادة ربنا راجل كويس ومش بيحرمني من حاجة، لكن للأسف مدمن أفلام إباحية، ودا اللى اكتشفته بعد الجواز، لما لاقيته بيشغل طول الوقت أفلام إباحية، وكمان بيجبرني أقعد اتفرج معاه، بقيت أحس بالقرف من نفسي ومنه، حاولت أتكلم معاه كتير إن ربنا مش هيبارك فى حياتنا بالشكل دا ولازم نبطل، لكن لقيته مقتنع إنه متجوز وبيتفرج عادي وده حلال".
وتابعت حديثها: "كنت بحاول أخليه يقرب من ربنا لكن مافيش أى فائدة، لحد ما بقيت مش قادرة أكمل، بكره وجوده فى البيت بسبب كده، وبعدت عن ربنا والصلاة وطول الوقت مخنوقة مش عارفة أتعامل مع حد، وخوفت على نفسي أكتر، وطلبت منه الطلاق ورفض، لكن أنا مش هقدر أعيش أكتر من كده معاه، ورفعت دعوى خلع على الرغم من اعتراض أهلي ومنتظرة الحكم فى الدعوى".
تابعوا آخر أهل مصر على Google News
