"أسماء" تطلب الخلع: "بعد الجواز بشهرين قفشته بيكلم 3 بنات"

لم تتخيل "أسماء"، صاحبة ٢٥ عاما أن كل ما كان يقوله زوجها طوال فترة الخطوبة أن يكون أوهاما، حيث يعترف لها ليلا ونهارا أنه لم يعشق فتاة غيرها ولا يرى أي نساء سواها، كانت تصدقه بكل مشاعرها، وتخلص له ويعدها أنه لن يجعلها تندم يوما ما، ليظهر على حقيقته بعد الزواج بشهرين فقط، وتكتشف خيانته لها لتقف داخل محكمة الأسرة لرفع دعوى خلع مبررة استحالة العشرة معه.

وروت الزوجة "أسماء"، قصتها لـ "أهل مصر": "اتعرفت عليه عن طريق الشغل وبعد فترة تعارف فى حدود الأدب ولم تتعدى سوى الجلوس فى أماكن عامة، اعترف لي إنه بيحبني وطلب يخطبني، وأنا كمان كنت ببادله نفس المشاعر، واتخطبنا وبعد فترة قليلة اتجوزنا، كان بيقول لي إنه عمره ما هيخوني لإنه مش شايف بنت في الدنيا غيري، كنت بتباهى بحبه ليا قدام أي حد، لكن مكنتش أعرف إنه كذاب وبتاع علاقات نسائية، وميعرفش حاجة عن المشاعر".

وأضافت حديثها قائلة: "لحد ما في يوم وصلت للرمز الخاص بتليفونه، وفتحته من وراه بسبب حب تطفلي، لقيت رسايل لسه واصله من بنات وملحقش يفتحها، ومعظمها كلام إباحي وصور بينهم ومش بنت واحدة دول ثلاثة غير اللي أكيد حذفهم؛ وعرفت إنه من النوع الخاين بتاع الستات، وواجهته واعترف إنها غلطة ومش هتتكرر وطلب مني أسامحه، لكن مش قادرة وطلبت الطلاق ورفض عشان كده رفعت دعوى خلع بمحكمة الأسرة وانتظر أولى الجلسات".