'انعدمت من عنده الرجولة، لما بدأ يساومنى أنى أحط صورى على النت بملابس عارية ويخفى وشي، ولما رفضت هددنى ينزل فيديوهات وأنا فى أوضة النوم معه، كنت هتجنن أزاى كان بيصور مراته من غير ما تعرف، دا مراته يعنى شرفه وعرضه لكن دا راجل ديوث ممكن يعمل أى حاجة مقابل الفلوس، واكتشفت أنه بيشتغل كدا من الأول بس كان بيخدعنى عشان يستغل جمالى فى أعمال منافية للآداب'.. كلمات مؤلمة نطقت بها نهى وهى داخل محكمة الأسرة لرفع دعوى خلع من زوجها مبررة استحالة العشرة معه.
وروت الزوجة قصتها مع 'أهل مصر' قائلة 'من أول ما اتجوزت وأنا كنت بحس أنه فى حاجات غريبة، مش بيغير عليا على الرغم أنى كل اللى حواليا بيقولوا أنى المفروض جوزك يخبيكى جوه البيت بسبب جمالك، لكن أنا كنت بحس هو اتجوزنى وعايز يعرضنى للكل، لحد ما بدأ يجيب أصحابه يسهروا وعادى يهزر ويضحك فى وجودى وكنت أفضل معاهم فى القعدة بناء على طلبه، وأحيانا كنت برفض بحجة أنى تعبانة، لحد ما قررت أطلب منه أبطل برشام منع الحمل، لأنه هو كان شرط عليا منخلفش دلوقتى ونستنى، لكن مكنتش أعرف حقيقته القذرة دى غير لما شوفت فيديوهات لى معاه على اللاب تتوب.
وتابعت حديثها: أنهرت أول ما شوفت الفيديوهات دى، وواجهته وكان نفسي يقول لى مصورهم عادى أو هزار، ونسمحهم وخلاص، لكن جراءته خلته يقول لى الحقيقة قال لى 'انتى فاكرة أنا مجوزك ليه، أنا أتجوزتك عشان أشتغل بيكى، من الآخر أنا هنزل صورك على النت فى أوضاع مخلة وخبي وشك عشان الكل عارف أنك مراتى، وبكدا هنكسب ونعرف نعيش عيشه كويسة، وآخرك هيبقى مكالمات جنسية بس.
وأكملت: اتخانقت معاه وشتمته بأبشع الألفاظ، وطلبت منه يطلقنى لكن هددنى بالفيديوهات الجنسية، اللى مصورها لياوعرفت قد أيه أنه إنسان مش كويس منه لله، أنا حمدت ربنا أنى مخلفتش منه، وقررت أحكى لأهلى أفضل ما أتورط معاه أكتر من كدا ورفعت دعوى خلع ومازالت الدعوى منظورة أمام القضاء.
تابعوا آخر أهل مصر على Google News
