لم تتخيل "ميادة" صاحبة الـ25 عاما أن زوجها الذى يرسم عليها الأخلاق والمثالية أن يكون ممثل أفلام جنسية، وتكتشف أنه ينفق عليها من أموال هذه الأفلام، مما يجعلها تقف داخل محكمة الأسرة لرفع دعوى خلع من زوجها بعد عام ونصف فقط من الزواج مبررة ذلك بقولها" كان عامل نفسه صاحب أخلاق ومفهمنى إنى كل الفلوس اللى بيكسبها من شغله فى تصليح التليفونات لحد ما ربنا كشف ستره وظهرت حقيقته، وإنه بيمثل أفلام بورنو على صفحات المواقع وكان فاكر إنى استحالة عرف لأنى عمرى ما هتفرج على النوعية دى من الأفلام".
وقالت الزوجة فى مستهل حديثها لـ"أهل مصر"، "اتجوزت من سنة ونص من شاب أكبر منى بـ7 سنوات، وكان ظاهر عليه إنه صاحب أخلاق عالية وشخص محترم وطبعا اتغشيت فيه، بعد الجواز كانت حياتنا مستقرة لحد كبير ومافيش غير الخلافات العادية واللى بتعدى فى دقائق، لكن كنت ديما بستغرب حاجة ديما إنه بيكسب فلوس كتير ولما أساله يقول لى دا من شغل التليفونات ومصالح بتقابله، وكنت بصدقه وديما كان ممنوع إنى أمسك تليفونه أو أشوف اللاب توب الخاص به بحجة إنه عليه شغل، وكنت بنفذ الكلام من كتر ثقتى فيه لحد ما ربنا كشف ستره بعد ما رصيده من الستر خلص".
وتابعت حديثها قائلة: "فى يوم كان عندى أخويا اللي أصغر منى بسنتين ومن غير ما يقول لى وأنا كنت فى المطبخ بعمل أكل وجوزى بره البيت فتح اللاب توب على أساس إنه هيلعب فيه، لكن اتفاجئت بينده عليا وبيفتح فيديو قدامى لجوزي هو وواحده فى أوضاع مخلة، وكنت هتجنن واتصلت على أهلى وجوزى وواجهته لكن مردش وفضل مصمم إنها غلطة وعدت ومش بيشتغل فى حاجات زى كدا لكن أنا صممت على الطلاق ورفعت دعوى الخلع ومنتظرة أولى الجلسات.
تابعوا آخر أهل مصر على Google News
