لم تتخيل آلاء أن يذكر زوجها أمام الناس ما ليس بها ويكذب ويقول عليها أمام الفتيات أنها تعانى من مرض يمنع زوجها من الاقتراب منها، وأنه يعيش معها شفقة بسبب ابنهما لتكون هذه حيلته فى التعرف على فتيات عبر وسائل التواصل الاجتماعي والدخول معهن فى علاقات، خاصة المتزوجات والمطلقات، لتكتشف زوجته ما يفعله وتصر على إنهاء الحياة الزوجية بينهما، ولتقف داخل محكمة الأسرة لرفع دعوى خلع من زوجها بعد ٤ سنوات من الزواج مبررة استحالة العشرة معه.
وروت الزوجة قصتها لـ"أهل مصر" قائلة: اتجوزت من ٤ سنين جواز صالونات ومكنتش عايزة حاجة غير انى أتجوز واحد يراعى ربنا فيا، ويعاملنى بما يرضي الله، ولا فلوس ولا غيره ولما اتقدم ليا هو وعدنى انه هيعاملنى كويس، وقال لي انه كان بيعرف بنات قبل الجواز وتاب وانه ناوى يتجوز عشان يبعد عن الطريق الحرام وأنا صدقته فعلا، واتجوزنا وما انكرش انه كان بيعاملنى بحنية وطيبة ومش بيبخل عليا بأى حاجة، وكانت حياتنا مستقرة بشكل كبير وربنا أكرمني بطفل منه، وكانت عندى ثقة كبيرة جدا، لحد ما ربنا كشف ستره قدامى عشان أفوق من الوهم اللى كنت فيه.
وتابعت حديثها قائلة: اكتشفت انه بيكلم بنات على النت، ولما شوفت الرسايل لقيته بيفهمهم انى مريضة ومش بيقدر يقرب مني وعايش معايا عشان خاطر ابنى، ويعلم ربنا ان كل دا كذب ومعنديش أى حاجة، ولما واجهته فضل يعتذر وانه مش هيكررها تانى لكن نزل من نظرى، وأصريت على الطلاق، ولما رفض رفعت عليه دعوى خلع، ومازالت الدعوى منظورة أمام القضاء.
تابعوا آخر أهل مصر على Google News
