قال الفنان أمير كرارة، إنه لا يحب مرحلة الشيخوخة، معللا "مش بحب أعيشها علشان مبحبش أحس نفسي تعبان، ولما بتعب بزعل على نفسي، لكن بحب الطفولة جدا لأن الواحد بتكون دماغه فاضية".
اقرأ أيضاً..شاهد مسلسل كلبش 3 الحلقة 16 لـ أمير كرارة
وروى كرارة خلال لقاءه مع الإعلامية رشا الخطيب، ببرنامج "السرداب" ويذاع عبر قناة المحور، موقفا مرعبا حدث معه عندما كان صغيرا قائلا "كنت ماشي في شارع ضلمه ومش بحب ابص ورايا، والشارع ده كنا مسميينه شارع الأشباح، وكنا بنجري فيه بعجل، وفاجأة لقيت شاكوش نازل على دماغى، ولقيت نفسي قدام باب المستشفى، فدخلت من باب غير الباب الرئيسي للمستشفى، لقيت واحد قاعد بسأله على الدكتور مردش عليا فشتمته ودخلت".
اقرأ أيضاً..أحمد العوضي ينتهي من تصوير مسلسل كلبش 3 مع أمير كرارة
وتابع قصته التى قال إنه لا أحدا يصدقها عندما يقصها "خيطت دماغى وروحت البيت واخويا قالى تعالى نشوف اللى ضربك، فلما رحنا بنبص على ياي المستشفى لقيناه مقفول والقفل مصدى، ودخلنا لمدير المستشفى قالنا الباب ده مقفول من 25 سنة وازاى دخلت من الباب ده، وإن الباب باب مشرحه، ومحدش صدق إن دخلت من الباب".
وأشار إلى أن لديه "فوبيا" من الأماكن المظلمة والمغلقة، مضيفا "لو دخلت أسانسير وعطل بيا ممكن أموت".
تابعوا آخر أهل مصر على Google News
