شهد موقع التواصل الاجتماعي، مشادات إلكترونية بين أحمد الشيخ لاعب النادي الأهلي، ودينا السعيد زوجته السابقة، بعد إعلان نجم الأحمر عن خطبته أمس الجمعة، حيث طلبت الطليقة دفع نفقات ابنته، ليقوم اللاعب بالرد عبر وثيقة تؤكد دفعه لتلك النفقات.
وهاجم عدد من المتابعين لأحمد الشيخ على صفحته الرسمية بعد نشره صورة خطويته، قبل أن ينشر الوثيقة الرسمية للنفقات، قائلا، لا ديني ولا تربيتي تسمح إني أرد على حد بيغلط، مع إني قادر أعمل كتير، لكن في الأول والآخر أنا بعامل ربنا، وعامل حساب لبنتي، أنا اللي مستغربه بس إزاي الناس بقت بجحة كدة، ربنا عالم، وكل الناس عارفة، وهما أولهم، أنا بجيب لبنتي إيه، لكن عمري ما هتكلم في تفاصيل احتراما لنفسي، قبل أي شيء، ولما بنتي تكبر، ربنا هيعرفها الحقيقه قبل الناس المحترمة ما تعرفها، ولو يعرفو ربنا مش هيمنعوا إني اشوف بنتي بالود، من غير ما أرفع قضيه رؤية.
وتحدث الشيخ: ربنا كبير وبيخلي ناس ترد على كل الكلام الباطل والكذب، دي بس ورقه تثبت إنها بتاخد نفقه متأخرة ليها ونفقة للبنت 5 آلاف كل شهر، ده طبعا غير الأوراق اللي معايا اللي تثبت قد إيه الموضوع كان كله مادي، والحمد لله ربنا بيعوض والله يا جماعة.
اقرأ أيضا: مع الإعلان عن المدرب الجديد.. أحمد الشيخ يحتفل بخطوبته في أجواء عائلية
وطالبت دينا متابعيها عبر صفحتها الشخصية، التوقف عن الدعوات لها بعد إعلان "الشيخ "خطبته، قائله، أولًا يا جماعة محدش يبعتلي مسدجات تاني، دعواتكم فوق دماغي، بس أنا مش عندي موتة، أنا زي الفل، وربنا عوضني بأحلى بنت في الدنيا، ثانيًا من موقعي هذا، كوكي بتبعتله تبارك وبتقوله زي ما بتعرف تخطب يا بابي ابقى ابعت نفقتي الأول، اللي أنت موقفها عشان ربنا هيحاسبك.
وأعلن الشيخ، عن خطبته، ونشر صورة ارتداءه خاتم الخطوبة، وعلق عليها: "يا فرحة في وقتها جاتلي".
تابعوا آخر أهل مصر على Google News
