نشوى مصطفى عن خروجها قبل انتهاء شهور العدة: مرتبطة بتعاقدات.. مينفعش أتسول أو استلف

ردت الفنانة نشوى مصطفى على أي انتقاد قد يوجه لها كونها خرجت وظهرت عبر شاشات التليفزيون وهي في فترة العدة بعد وفاة زوجها.

وقالت نشوى مصطفى في برنامجها 'بنت البلد' عبر قناة 'cbc سفرة': 'أنا سألت الأفاضل أصحاب العلم في فكرة إني أنزل اشتغل لأن أنا مرتبطة بتعاقدات ومرتبطة بأشياء أخرى شخصية مينفعش أتسول أو استلف، يعني الحمد لله مستورة جدا بفضل زوجي ولكن أنا مرتبطة بمصالح ناس مقدرش أضر فيها'.

نشوى مصطفى: قيل لي من أصحاب العلم إن الخروج للعمل مش حرام

وتابعت نشوى مصطفى: 'قيل لي من أصحاب العلم إن الخروج للعمل مش حرام والخروج للطبيب لأن أنا مريضة قلب وكنت لسه من 3 شهور مركبة 3 دعامات فلازم بشكل دوري أنزل للدكتور كل شهر أعمل إيكو وأتابع حالة القلب لأن أنا قلبي كمان كفاءته أقل من المفروض تكون، الشيوخ الأفاضل قالولي النزل للأطباء يجوز والنزول للعمل طالما أنا مش صاحبة العمل أنا بشتغل عند ناس أنا تعاقدة مع ناس، لكن الخروج للتسوق أو للزيارات العائلية أو الترفيه دي اللي ممنوعة ولازم يحصل فيها العدة'.