أمير طعيمة: محمد رحيم كان نفسه يتكرم قبل ما يموت

استضافت الإعلامية أسما إبراهيم الشاعر أمير طعيمة في الحلقة الـ14 من برنامجها حبر سري، المعروض على قناة القاهرة والناس.

وخلال اللقاء، قال طعيمة إن معايير النجاح لأي نجم تعتمد على عدة عوامل بجانب الصوت، مؤكدًا: "النجاح بيتطلب كاريزما قوية، واختيارات غنائية مميزة، وكمان ذكاء الفنان في التعامل مع فريق العمل، لأن حب الفريق له بيأثر بشكل مباشر على استمراره".

وأضاف أن الصوت الجيد لوحده مش كفاية علشان يحقق القبول الجماهيري، لكنه يفضل عامل أساسي، بس لازم معاه عوامل تانية تفرق بين مطرب موهوب ونجم قادر على الاستمرار في عالم الغناء.

وعن علاقته بالملحن الراحل محمد رحيم، أوضح طعيمة: "قبل ما محمد رحيم يتوفى، قعدنا فترة كبيرة منتكلمش، واتقابلنا في شغل جديد أنا رشحته فيه، فكنا بنتابع ونتكلم مع بعض قبل وفاته علطول. ولما حصلت الوفاة مفهمتهاش، وكان نفسي يتكرم وهو عايش، مش لما يموت. محمد رحيم كان نفسه يتكرم قبل ما يموت، ولما توفى وعملوا حفلة تكريمه، الناس اكتشفت إنه من أهم الملحنين في تاريخ مصر، لما عرفوا كمية الأغاني اللي عملها".