«موضوعه طول وبوَّخ».. ميدو يكشف تأثير زيزو السلبي على الزمالك

يرى أحمد حسام ميدو، نجم الكرة المصرية السابق، أن أزمة تجديد عقد أحمد سيد زيزو، جناح الفريق الأول لكرة القدم بنادي الزمالك، أثرت بشكل سلبي على الفريق ونتائجه في الفترة الأخيرة.

وكتب ميدو، عبر حسابه الرسمي على موقع التواصل الاجتماعي «إكس، تويتر»: «خلاصة حال الزمالك اللاعيبه دي مش هتلعب ١٠٠ ال ١٠٠ إلا لما ياخدوا مستحقاتهم.. مش هتاخد من اللاعيبه الروح والشراسة والإصرار على المكسب إلا لما ياخدوا مستحقاتهم».

ميدو: موضوع زيزو طول وبوخ

وأضاف: «وبصراحة اللاعيبة دي اكتر لاعيبه استحملت في مصر لكن أنا ماقدرش أحاسب حد مابديلوش حقوقه».

وتابع: «غير ان موضوع زيزو طول وبوخ وليه تأثير كبير على استقرار الفريق لازم deadline لنهاية موضوع زيزو اما الرحيل او البقاء».

وواصل: «الزمالك محتاج نمرة 6 جامد بيعرف يحمي قلوب الدفاع ويعرف يغطي الأظهره بشكل جيد لما بيتقدموا مدافعين الزمالك متعريين بلغة الكورة».

واختتم: «الأولويات التخلص من اللاعيبة اللي بتكلفك فلوس ومش بتستفيد منهم دفع مستحقات اللاعيبة والتعاقد مع مساك جامد ولاعيب نمرة 6 تقيل عنده خبرة وجناح شمال جامد وأخيرا حسم موقف زيزو في أسرع وقت ممكن».