فتاة الفستان بجامعة طنطا تروي تفاصيل سخرية المراقبين منها: قالو لي أنتي نسيتي تلبسي بنطلونك وقررتي تبقي مش محترمة

كشفت حبيبة طارق، الطالبة بالصف الثاني بكلية الآداب جامعة طنطا، تفاصيل سخرية المراقبين منها ومهاجمتها، بسبب ارتدائها فستانا في قاعة الامتحانات ، مشيرا الى أنه أثناء خروجها من القاعة واستلام بطاقتها، فوجئت بالمراقب يسألها 'هو أنت مسلمة ولا مسيحية'.

وأضاف حبيبة طارق ، خلال مداخلة هاتفية، ببرنامج 'الحكاية' المذاع على قناة MBC مصر، أن المراقب بص لي بصة، وأنا طالعة لقيت مراقبة من لجنة أخرى، بتشد زميلتها وتقولها تعالي شوفي لابسة أيه، وقربت مني، قالتلي أنتِ نسيتي تلبسي بنطلونك ولا ايه ، قائلة :' أنا لابسة فستان تلتين كم وتحت الركبة، بقولها بنطلون أيه اللي ألبسه على الفستان، أنا مش فاهمة إيه اللي عملته'.

واستكملت حديثها : 'المراقبة قالت لي هو أنتِ مسلمة ولا مسيحية، فردت عليها زميلتها شفت بطاقتها كانت محجبة وخلعت الحجاب، فقالت لي أنتِ قررتي تبقي قليلة الأدب؟ والمنتقبة قالت لي أنتِ منين أصلا، قلت لها من الإسكندرية، فردت التانية عليها قالت لها هم الإسكندرانية كده'.

وتساءلت حبيبة طارق الطالبة بالصف الثاني بكلية الآداب جامعة طنطا : 'ليه يحصل معايا كل ده ؟ .. دول خلوني فرجة في الكلية، وكل الناس تبص عليا، وكنت عايزة أمشي بأقصى سرعة'.