علق الإعلامي عمرو أديب على ارتفاع الأسعار، قائلا: "كيلو اللحمة من 10 سنين كان بكام ودلوقتي بكام؟.. أنا بقول الكلام ده والأرزاق على الله، المواطن مش عايز أكتر من إن مرتبه يكفيه.. مش هيفرق معاه مشروعات ولا غيره، الناس بقت حاطة ايدها في جيوب بعض، الدكتور يبزود على المريض.. والسباك بيزود على الزبون.. والبياع بيزود على المشتري".
وخلال تقديم برنامج "الحكاية" عبر فضائية "إم بي سي مصر"، تابع "أديب": "الدولة حدث فيها تطور في البنية التحتية، لكن المواطن كل اللي يهمه كيلو اللحمة من 10 سنين كان بكام ودلوقتي بكام؟.
وأكمل "أديب": "مهما قلت للمواطن على المشروعات والإنجازات هيقولك أنا يهمني اللي في ايدي".
وفي وقت سابق من اليوم، صرح الرئيس عبد الفتاح السيسي بأن تكلفة أنبوبة البوتاجاز الحقيقية تصل إلى 340 جنيهًا، بينما يتم بيعها للمواطن بسعر مدعوم يبلغ نحو 150 جنيهًا فقط.
وخلال لقائه مع طلاب الأكاديمية العسكرية أكد أنه تم وضع برنامج ضخم لتهيئة الدولة المصرية للانطلاق بمعايير الدولة الحديثة، مضيفا أن الدولة المصرية لا تبيع الطاقة بسعرها الحقيقي للمصريين، متابعا: مقومات الدولة هي التي تحدد قدرتها على تقديم خدمات مناسبة للمواطنين، مشددا على أن الدولة تعمل على زيادة المياه المحلاة والمعالجة لمواجهة الفقر المائي.
وعلق قائلا: «مهم أوي في المستوى اللي إحنا بنتكلم فيه دلوقتي، إن احنا نبقى عارفين إن مقومات الدولة هي اللي بتحدد قدرة الدولة على تقديم خدمة ومستوى معيشة مناسب للمواطنين».
وتابع الرئيس السيسي: «الموضوع مش مرتبط فقط بإرادة سياسية أو إرادة حكومة فقط، مفيش شك إن مفيش مسؤول على أي مستوى مش عاوز يقدم أفضل حاجة لشعبه، لازم نكون كلنا النقطة دي منتبهين منها.. ولكن يا ترى الظروف والإمكانيات اللي عندنا تقدر تحقق لنا ولا لا؟ نحدد بعض النقاط اللي مرت على مصر خلال الـ10 سنين اللي فاتت، وبقول لكم كلكم، لو عاوزين الإجابة تبقى أكثر يسرا ليكم، لو أي حد تعرض لمشكلة، أي بيت تعرض لمشكلة، المشكلة دي بيبقى لها تأثير على البيت دا لفترة».
وصرح الرئيس عبد الفتاح السيسي أن الاستهلاك السنوي للقمح في مصر يصل إلى 20 مليون طن، بينما تنتج الدولة نصف هذه الكمية، واستيراد النصف الآخر لتلبية احتياجات السوق المحلي.
وأكد الرئيس خلال لقائه مع طلاب الأكاديمية العسكرية، أن صندوق النقد الدولي أشاد بالإجراءات الإصلاحية التي اتخذتها الدولة المصرية خلال الفترة الماضية، في إشارة إلى جهود الحكومة لتحسين الاقتصاد الوطني وتوفير الخدمات الأساسية للمواطنين بأسعار مدعومة.
وبشأن حرب غزة، تابع الرئيس السيسي: مصر بذلت جهودا كبيرة لوقف الحرب بقطاع غزة منذ بداية حرب 7 أكتوبر.
تابعوا آخر أهل مصر على Google News
